JOPPP

 

“Эм зүйн бодлого ба практик олон улсын сэтгүүл /Journal of Pharmaceutical Policy and Practice (JoPPP)/” сэтгүүл нь эмзүйн бодлого, практикийг дэлхий нийтэд сурталчлах зорилгоор 2008 онд байгуулагдсан. JoPPP сэтгүүл нь Scopus, PubMed Central-д бүртгэгдсэн, Их Британи улсад хэвлэгддэг өндөр нэр хүндтэй редакцын зөвлөлтэй. Сэтгүүлийн нийтлэлийн бодлого нь эмийн хэрэглээ, нөөцийг хуваарилах, эрэлт, нийлүүлэлтийн харьцаа, зохицуулалт, хүртээмж, оновчлол, ашиглалт, хэрэглээ, хангамж үйлчилгээний үр дүн, үнэ өртөг зэрэг бодлого, практикийн судалгааны бодит үр өгөөжийг нийтэлдэг.


2023 оны байдлаар Scopus-ын (IF) 4.2, Q1 гэсэн үнэлгээтэй буюу дэлхийн хамгийн шилдэг 3 эмзүйн сэтгүүлийн нэг юм. 2018 оноос эхлэн жил бүр эмзүйн бодлого, практик судалгааны салбарт чухал хувь нэмэр оруулж буй судлаачдад Шинэ Зеландын Ерөнхий сайд асан Хелен Элизабет Кларкийн нэрэмжит  “Helen Clark-JoPPP Award” шагнал олгож байна.

Эм зүйн бодлого ба практик олон улсын сэтгүүл (JoPPP)-ийн олон улсын эрдэм шинжилгээний хурал нь:

Малайз Улсын Куала-Лампур хотод 2019, 2020 онд
Зүүн Малайзын Кучинг арал дээрх Саравакт 2024 онд
Тайланд улсын Бангкок хотноо 2025 онд нийт 4 удаа
Эмзүйн бодлого, практик судалгааны өгүүлэл, илтгэл, сайн туршлагад үндэслэн  “JoPPP Mongolia 2026”  олон улсын эрдэм шинжилгээний хурлыг 2026 оны 11 дүгээр сарын 11, 12, 13-ны өдрүүдэд Монгол Улсад Этүгэн Их Сургуультай хамтран зохион байгуулахаар 2025 оны 3 дугаар сарын 1-ний өдөр гэрээ байгуулсан.

Танилцуулга: Этүгэн их сургууль

Этүгэн их сургууль нь “2030 он гэхэд азийн шилдэг залуу 100 сургуулийн түвшинд хөгжиж, дараагийн 50 жилд дэлхийн шилдэг 100 сургуулийн түвшинд өрсөлдөнө” гэсэн алсын хараа,  “Хүн чанар, мэргэжлийн ур чадвараараа шилдэг нь болж хөгжих боломж олгодог, үндэсний болон олон улсын түвшинд хүлээн зөвшөөрөгдөх, нээлттэй, судалгааны, инноватив их сургууль болж хөгжинө” гэсэн эрхэм зорилго, хөгжлийн стратегийн хүрээнд сургалт, судалгааны үйл ажиллагааг хэрэгжүүлж байна.
 
Манай сургууль нь 2002 онд үүсгэн байгуулагдсан цагаасаа эхлэн өнөөдрийг хүртэл 23 жил сургалт, судалгааны үйл ажиллагааг 6 бүрэлдэхүүн сургууль, бакалаврын 22 хөтөлбөр, магистрын 9 хөтөлбөр, докторын 1 хөтөлбөртэйгөөр хэрэгжүүлж байна.
Сургуулийн алсын хараа, эрхэм зорилгыг хэрэгжүүлэх хөгжлийн стратегийн (1) сургалт сурах орчинг олон улсын жишигт хүргэх,
(2) эрдэм шинжилгээ, инновацийг олон улсын жишигт хүргэх,
3. Үндэсний болон олон улсад  хүлээн зөвшөөрөгдөх нөхцөл боломжийг хөгжүүлэх гэсэн 3 үндсэн зорилгын хүрээнд 41 зорилт, 83 үндсэн чиглэл,
288 үйл ажиллагаа, хүрэх үр дүнг 36 шалгуур үзүүлэлтээр тодорхойлон ажиллаж байна.

Бидний мэндчилгээ

Этүгэн их сургуулийн The Journal of Pharmaceutical Policy and Practice (JoPPP)- тай хамтран зохион байгуулж буй "5th JoPPP Conference - Mongolia 2026" хуралд тавтай морилно уу!
Б. Батсэрээдэнэ
Этүгэн Их Сургуулийн Ректор, доктор, профессор
"5th JoPPP Conference - Mongolia 2026"-д оролцож буй эрхэм хүндэт зочид, судлаачид, эмзүй, эрүүл мэндийн салбарын мэргэжилтнүүд та бүхний амрыг айлтгая.
Б. Насанбаяр
Этүгэн Их Сургуулийн Эрдэм шинжилгээ, Инновац, Гадаад харилцаа эрхэлсэн дэд захирал, Хөтөлбөрийн ерөнхий хорооны дарга,
Бид Та бүхнийг “Journal of Pharmaceutical Policy and Practice (JoPPP)” сэтгүүлийн тав дахь удаагийн олон улсын эрдэм шинжилгээний хуралд халуун дотноор урьж байна.
Захир-Уд-Дин Бабар
Ph.D. Organizing Chair and Editor-in-Chief, Journal of Pharmaceutical Policy and Practice

Чухал өдрүүд Алхам 1

Илтгэлийн хураангуй хүлээн авах

 
Илтгэлийн хураангуй хүлээн авах
2025.09.01 – 2026.03.01
 
Илтгэлийн хураангуйг сонгон шалгаруулах, танилцуулах шийдвэр
2026.01 – 2026.04
 
Ирүүлсэн хураангуйг засварлах
2026.03.01 – 2026.05.01
 
Илтгэлийн эх хувилбарыг илтгэгчид илгээх
2026.06.01 – 2026.07.01
 
Илтгэлийн хураангуйг илтгэгч танилцуулахад бэлтгэх
2026.07.01 – 2026.08.01
 
Илтгэлийн хураангуйг нийтлэхэд эцэслэн бэлдэх
2026.08.01 – 2026.09.15